Национальная Якутская кухня 2016. Ресторан Муус Хайа

Олунньу 22 кунугэр 2016 , Дьокуускай куорат "Муус-Хайа" рестораныгар, бастакы республикатаа5ы сылгы уонна убаhа этиттэн, иhиттэн оноhуллар норуот аhын тэнитэр, кэпсиир сыаллаах тэрээhин буолан ааста. Тэрээhини салайан ыытта тыа хаhаайыстыбатын министерствота, министр А.Артемьев бэйэтин хонтуруолунан. Ону таhынан сылгы тириититтэн, сиэлиттэн оноhуллар мал-сал, норуот маастардара онорбут сувенирнай оноhуктара, худуоhунньуктар улэлэрэ кордорулуннэ. Элбэх улуустартан сылгы тутар собуоттар, ас астыыр кооперативтар, кымыс кутар тэрилтэлэр бэркэ кыттыбыттар. Ас-уол, араас оноhуктар барыта Дьоhогой айыытын, сахабыт сылгытын тула ааста. Биэчэргэ республикабытыгар ус биллэр маастар повардарбыт астаатылар. Тыгын -Дархантан И.Тарбахов, Чурапчыттан К.Городецкая уонна Муус-Хайа повара Н.Габышев. Олус элбэх сана астар, рецептар кордорулуннулэр.

Ону таhынан эти хайдах астыыры, биhиги эппит доруобуйа5а туох туhалаа5ын, туох састааптаа5ын туhунан киэнник диетолог, тыа хасаайыстыбатын доктора К.Степанов кэпсээтэ. Тэрээhин тоhо да бырааhынньык сынньалан кунугэр буоллар, элбэх киhини муста, ону таhынан омук ыалдьыттара сырыттылар. Омук ыалдьыттара кырдьык биhиги эппит олус минньигэhин, туhалаа5ын ахтан аастылар. Монголияттан сылдьар ыалдьыттар биэ кымыhа хайдах курдук киhи доруобуйатыгар туhалаа5ын кэпсээтилэр. Олус учугэй, интэриэhинэй тэрээhин эбит диэн бэркэ сэргээтилэр-сэнээрдилэр, аныгыскы сырыыга кыттабыт диэтилэр. Биэчэр олус динамичнайдык, интэриэhинэйдик ааста. Биллэр артыыстарбыт Хатылаевтар, сахатыйбыт Подлужная, Айталлар сылгыга анаабыт композицияларын толордулар. Ону таhынан сытыы, аhа5ас этиилэр, сылгыhыттары чиэстээhин буолан ааста. 

Бу маннык туhалаах сылгыбыт, убаhабыт этин, уутун то5о о5о дьиэлэригэр, оскуола5а, спортсменнарга тар5атан аhаппаппыт. Элбэх эт атыылынар буолла5ына, тыа дьоно сылгы иитэригэр тоhолоох комо буолуо этэ. Сылгысыт идэтигэр ыччат тардыhыа, тыа сирэ сайдыа, быра5ыллыбыт отохтор иччилэниэ эбитэ буолуо.  Соптоох идэлээх дьону мунньан, дойдуну, тас дойдулары уорэтэн, эппитин батара сатыахха наада. Итини онорорго бэйэбит дойдубутун диринник, туох атыннаахпытын билиэхпитин наада. Эти батарар сыалтан омукка эппиэттэhэр астыыр, онорор омук линията туруоруохха. Маннык тэриллиилэр сал5ана тураллара наада. Сылгыhыты чиэстиэ5ин, бочуоттуо5ун, ааттыа5ын. Дьоhогой Айыыга сугуруйуохэйин. Дом.